Plantun de Prouvènço

Pèr coumpara dos planto d'encò nostre

Bupleurum rigidum & Lamium maculatum

Bupleurum rigidum

Apiaceae Umbelliferae

Noms en français : Buplèvre raide, Oreille-de-lièvre.

Descripcioun :
L'auriho-de-lèbre es uno planto coumuno que trachis souto lis éuse e dins la garrigo de colo. Flouris l'estiéu, la planto èi drecho e seco, se recounèis à si lònguis fueio que dounon d'èr à d'auriho, èi verai, de lèbre. Coume tóuti li Bupleurum fai de pichòti flour jauno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 0,6 m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) flour : 3 mm
Flourido : Estiéu - Autouno

Sòu : Ca
Autour basso e auto : 0 à 600 m
Aparado : Noun

Liò : Garrigo - Tepiero seco - Colo
Estànci : Mesoumediterran à Subremediterran
Couroulougi : Estenoumediterran
Ref. sc. : Bupleurum rigidum L., 1753

Pisso-mèu

Lamium maculatum

Lamiaceae Labiaceae

Àutri noum : Suçarèu, Ourtigo-fèro.

Noms en français : Lamier maculé, Lamier taché.

Descripcioun :
Lou pisso-mèu es uno fausso ourtigo qu'amo li relarg fres e un pau umide. Coume l'ourtigo-blanco sa flour èi gibouso. Li fueio soun souvènt tacado de blanc. Coumpara emé lou pisso-mèu-de-Gargano que ié sèmblo proun.

Usanço :
Poudès n'en tasta li flour (pisso-mèu o suçarèu) qu'an un bon goust sucra o tambèn li bouta dins l'ensalado. Li fueio soun peréu manjadisso cruso o cuecho. Lou pisso-mèu èi vertuous que sarro li car e destapo li brouncho.

Port : Erbo
Taio : 15 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lamium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 2 à 2,5 cm
Flourido : Printèms - Estiéu - Autouno - Ivèr

Sòu : Si (Ca)
Autour basso e auto : 0 à 1200 m
Aparado : Noun
Mars à óutobre

Liò : Bos fres - Sebisso - Roubino - Relarg à jóuinis aubret
Estànci : Mesoumediterran à Mountagnard
Couroulougi : Éurasiatico
Ref. sc. : Lamium maculatum (L.) L., 1763

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Bupleurum rigidum & Lamium maculatum

ges

Coumpara Auriho-de-lèbre emé uno autro planto

Coumpara Pisso-mèu emé uno autro planto